حرب صامته
كأنها حرب صامتة على الإبداع، على القراءة، على الكتابة
هذا الأسبوع قضيت وقتي وأنا آخذ برنامج علشان أطلع الكاتبة اللي فيني،
وأطلع الجواهر المدفونة داخلي.
وما توقعت إن مخي ممكن يوصل لمرحلة إنه يصير full
فقررت يوم الجمعة… أطفي كل شيء
علشان أقدر أجمع، أقدر أقدم، وأقدر أكتب
وكنت أفكر:
شلون القراءة والكتابة، مع مرور الزمن وتطور التكنولوجيا،
كل يوم تصير أهم من اليوم اللي قبله؟
إذا أنتِ الآن تقرئين هذه الرسالة…
تصوري كم شخص يتصفح فيديو ورا فيديو ورا فيديو…
كأنها حرب صامتة على الإبداع،
على القراءة،
على الكتابة…
ومع كل تصفح… يصير فيه numbing للعقل
ومن الأمور اللي لاحظتها إن أحيانًا، لما الشخص يكون مشغول، يحتاج إنه ما يسوي ولا شيء…
حتى قصة، أو قراءة رواية، ممكن تكون وايد activating في بعض المراحل
وفي شي اسمه downtime.
وفي هذا الـ downtime، نلقى أنفسنا نلجأ لأسهل نوع ترفيه…مواقع التواصل الإجتماعي
نتصفح فيديوهات قصيرة
وفعلًا لما أكون في حالة ال doom scrolling، لقيت صناع محتوى يسوون مقاطع جدًا جميلة
جزء صغير من حلقة، تصوير حلو، script حلو، ويضحك…
بس بالنهاية هي لحظات قصيرة، أقل من دقيقة أو دقيقتين.
ولما نفكر في العقل…
غير صحي له إنه يعيش على هذا الإيقاع السريع طوال الوقت
ومن قراراتي في الأسابيع اللي فاتت،
إن يكون عندي مسلسل ألجأ له في الوقت الي ما أبي أبدع فيه و لا أبي أجلس في جلسة إسترخاء، أبي أندمج في شي لأن لو ما لقيت هذا المسلسل و المزاجي (في الوقت الحالي) لا يريد أن يبدع أو يسترخي (يبي شي بين الأثنين) قررت أن دائماً يكون هناك مسلسل أو برنامج ينتظرني و يمون على مزاجي
شي اندمج فيه…
وأخيرًا لقيت مسلسل اسمه The Empress
توني في الحلقة الثانية، وحسيت إني اندمجت فيه
وصار عندي شيء أرجع له في وقت الـ downtime
إذا تحبين، تقدرين تسأليني في التعليقات أسفل أو بالرد على هذا الإيميل عن البرامج اللي شفتها، وأعطيك تقييماتي للمسلسات الي شفتها
شخصياً ما أحب الأشياء اللي فيها دراما وايد،
وأحب التصوير يكون العالي الجودة،
والـ script القوي،
لذلك عشان ألقى برنامج يعجبني… ياخذ مني وقت
واللي لاحظته عن النساء اللي أشتغل معاهم،
في أشياء ممكن تزعجك،
أو تستنزفك،
أو تخليك تحسين بثقل بدون ما تنتبهين من المحتوى الي تشوفينه في جهازك
لذلك لما ما ننتقي المحتوى اللي نشوفه سواء على مواقع التواصل، يوتيوب، أو حتى التلفزيون يصير المحتوى يعطيك بدل أن يأخذ منك
وهنا فرصة إن كلنا نقيم:
من نتابع؟
وشنو قاعدين ندخل لعقولنا كل يوم؟
ألاحظ وايد ناس بسرعة يضغطون:
follow follow follow…
بس ما يسوون تجريد و الunfollow
ولا ينتبهون إن الخوارزميات تقدر تتغير،
وإنهم يقدرون يتحكمون فيها أكثر مما يتوقعون.
هذا الجهاز اللي في يدك… جزء من بيئتك
البيئة ما عادت بس المكان اللي نعيش فيه أو نشتغل فيه
حتى المحتوى اللي يطلع لك يوميًا صار جزء من بيئتك،
ويغذي تفكيرك، ومشاعرك، وطريقة رؤيتك للحياة
والخوارزميات اللي عندي غير اللي عندك.
لذلك نحتاج نقننها بوعي
وأعرف إن ممكن هذا الأسبوع قلتي لنفسك:
“بس هالفترة تمر…”
“بس أخلص هذا الـمشروع…”
“بعدين بعطي نفسي راحة…”
ويمكن أجلتي استرخائك،
أجلتِ هدوئك،
أجلتِ تهدئة جهازك العصبي
والرسالة اليوم مجرد تذكير:
أحيانًا ما تحتاجين أكثر من خمس دقائق علشان ترجعين لنفسك
وإذا حابة هذه الخمس دقائق،
ارسلي لي كلمة Regulate
وسأرسل لك تمرين بسيط لتهدئة الجهاز العصبي
من زاويتي التي أكتب فيها،
إلى زاويتك اللي تقرئين منها…
ألقاك الأسبوع القادم بإذن الله،
ودمتِ بوضوح، ومحبة، وسلام
هيا
رسالة أخيرة:
عندي مقعدين لل١:١ الأسبوع القادم.
إذا تحسين إنك تحتاجين مساحة تمسكك بهدوء وتساعدك تفكين التشابك الداخلي و تبين توقفين الدوامة، إحجزي مقعدك الآن